Hoeveel diskriminasie gaan al vir eeue aan in die wêreld? Nee, nie politieke of rasse diskriminasie nie, maar die diskriminasie teen vroue. Steeds in werksplekke en in huishoudings. Daar word vanselfsprekend aanvaar dat die man die boodwinner is, en juis daarom moet hy ‘n beter salaris tjekkie elke maand huis toe vat as sy vroulike compadré wat net soveel of dalk meer insit as hy. Is dit dalk nie net om die manlike ego te beskerm en te streel dat ons dit nogsteeds verdra en aanvaar as afgehandel nie? Ek meen, gaan loer bietjie rond in jou familie en vriendekringe. Hoveel vrouens ken jy wat dieselfde of meer as haar man verdien? Nie eers ‘n hele 5 vingers vol nie, né?
Ek sit die een koue winter’s oggend met my koppie ‘chinno in die hand op die bank en luister East Coast Radio (KZN). Dit reën katte en honde buite. Vandag se vraag is of dit harder werk is om by die huis te wees, of in die kantoor. Die een ou bel toe en se hy is “huisvrou”, of kom ons noem hom sommer ‘n “househusband”. Nou die spesifieke ou bel toe en erken oppie lug net na 7 innie oggend hy is nou n househubby. Hoeveel mans en vrouens hul karre toe omgegooi het op daai nat paaie na daai hewige belydenis, kan ek net raai. Ek meen, dit sien ons net oppie tv en dis ook net in Amerika…
Hy het n paar maande terug sy werk gelos. Vroulief moes gaan hand uitsteek en sorg dat die rekeninge betaal word, kos oppie tafel kom, en die naweek expencess moes ook gecover word. Hulle kon nie terwyl hy gewerk het ‘n bediende bekostig om vir vroulief by die huis te help nie. Sy moes alles doen, en het amper op ‘n daaglikse basis gekerm en gekla oor hy nie net kan help skottelgoed was nie. Toe was sy redenasie, hy werk heeldag, en sy sit en niks doen nie. Hoekom moet hy dan moeg gewerk by die huis kom en help in en rondom die huis met sulke benullighede. Dis toe dat hy besluit om plekke te ruil met haar. Hubby bedank, en vroulief soek haastig werk. Saak opgelos, sy het dit toe. Die geld lyk oraait, maar is nie nastenby soveel soos manlief sn nie. Almal is gewillig om iewers te sny. Vroulief is in haar noppies. Sy trippel elke môre met ‘n smile daar uit. Skielik verskyn die skoon en gestrykte klere nie net in almal se kaste nie, die skottelgoed kan jy nie net in die asblik gooi, en nuwes verskyn in jou kas nie. Daai knoppie wat die hele huis in sekondes dust-free het, en boonop nog laat lekker ruik, kry hy nerens. Dis verskriklik. Daar is nie eers tyd om 9 putjies saam vriende te gaan speel nie. Dis skoonmaak, skoonmaak skoonmaak. Dan is dit nog die kinders ook. Een in die skool, en een by die huis. Sover hy skoonmaak, sover krap dolla om. Dan nog kos maak, want liefie werk hard en vedien ‘n heerlike bord gekookte kos. Alles verbrand. Vroulief kom tuis, dan is die kinders noggie gebad nie, die wasgoed lê nog van vanoggend af sopnat in die wasmasjien, en die oudste se huiswerk is nog nie eers aan geraak nie. So gaan dit toe aan…
Moeg gewerk by die huis, besluit hy om terug te gaan werk toe. Dis nie vir hom die huis skoonmaak nie. Seker die mees ondankbaarste werk, en dan nog geen tjekkie om te sê dankie nie. En net daar erken hy dis veel erger om huisvrou te moet wees, as om in ‘n airconditioned kantoor te gaan sit. Nou natuurlik wil vroulief boonop niks weet om weer by die huis te bly nie. Haar werk van 8 – 5 verskaf haar te veel plesier. Toe begin daai studio se telefone eers lui soos die househusbands een vir een hul stories vertel, en amper elke keen klink soos die eerste…
Nou vra ek wie dink jý werk die hardste. Iemand wat in n kantoor sit, of liefie in die huis? Bedank en waardeer jy op ‘n gereelde basis jou ega se harde werk om jou tuiste soos jou ‘n paleis te laat lyk? Ek twyfel. Kyk net hoeveel vreugde jy op ‘n vrou se gesig kan lees as jy by die deur instap met ‘n bossie blomme en ‘n boksie tjoklits. Jy maak haar dag. Glo my, ‘n ete uit met die kinders beteken baie, maar nie soveel soos ‘n spesiale geskenkie of ‘n romantiese gebaar nie. Ek hoop jy vang die skimp wat ek gooi…
Bygedra deur Dolfie 
Bygedra deur Dolfie 
